Search Results for 'arregulas'
Did you find what you wanted ?
17/03/2020
17.03.2010 – 17.03.2020
10 ANNUS DE OFITZIALIDADI DE IS ARRÈGULAS.Funt passaus dexi annus de candu sa Provìntzia de Casteddu (oi Tzitadi Metropolitana de Casteddu) at adotau Is Arrègulas che a sardu campidanesu normau cun delìbera de su Consillu provintziali nr 17 de su 17 de martzu 2010.
A sighiri su Comunu de Cabuderra puru dd’at adotau cun delìbera de su Consillu comunali nr 28 de su 20 de su mesi de Làmpadas de su 2013.
Sperimentau in duas provìntzias: sa de Casteddu e sa de su Campidanu de Mesu e in d-unas bintena de comunus de sa Sardìnnia de giossu.
20/03/2010
Posted by acadesusa under
Novas | Tags:
Arrègulas |
Leave a Comment
Paricis agentzias ant chistionau de s’aprovu de is Arrègulas de sa Provìntzia de Casteddu. Grandu prexu po una detzisioni stòrica pigada a totòmini, manca e dereta impari, in su surcu de sèculus e sèculus de connotu literàriu chi is Sardus etotu ant bòfiu. Cun custa delìbera sa Provìntzia de Casteddu at fatu biri comenti tocat a si movi po fai sa cosa de manera democràtica e cunforma a sa fueddada de su logu. Unas cantu agentzias e giassus:
Libero news
Ad Maiora Media
Sardegna Oggi
Asca
Sardegna Democratica
Il Riformista
Universidadi de Casteddu
Disterraus Sardus
Giuventudi Indipendentista
Blog Cagliari
17/03/2010
Posted by acadesusa under
Novas | Tags:
Arrègulas |
1 Comment
“Ite nobas” su programa de Toninu Bussu in “Radio Nùgoro Centrale” at chistionau de s’avotu de sa Provìntzia de Casteddu apitzus de is “Arrègulas”. Gràtzias a Toninu e a su programa de issu po s’importu chi at donau a custu acontèssiu. Ligei-sì sa nova innoi in bàsciu.
Die de importu mannu oje in Casteddu pro sa limba campidanesa
Ischimus chi medas puntan a una limba sarda unificada, mentres ateros marcan chi est zustu a mantenner sa doppia norma de su logudoresu in su capu de susu e su campidanesu in su capu ‘e josso.
Pacu prus de un annu fachet est naschia s’Academia pro sa limba sarda chi est gherrande pro defender siat su logudoresu e siat su campidanesu.
E pro mustrare chi su campidanesu tenet istoria, tradissiones e regulas, an pubblicau unu libru cun sas normas de su campidanesu.
E oje però est una die de grandu importu ca su cossizu provinciale de Casteddu faghet sua ufficialmente sa norma campidanesa e at a botare de poder impreare in sos attos suos in limba sarda sas ‘Arregulas po ortografia, fonetica, morfologia e fueddariu de sa norma campidanesa de sa limba sarda’ iscrittas dae su comitau iscientificu pro sa norma campidanesa de su sardu standard.
Duncas si su cussizu provinciale de Casteddu at a facher attos o pubblicassione in limba las fachet ponende in mente a custas normas iscrittas dae su comitau iscientificu.
Como bisonzu de s’impignare pro facher in modu chi, pro narrer, su cossizu provinciale de Nugoro approvet sas regulas pro s’ortografia, fonetica, morfologia e fueddariu de sa norma logudoresa de sa limba sarda.
16/07/2009
Posted by acadesusa under
Ainas,
Novas | Tags:
Arrègulas,
pdf |
[6] Comments
Est on line su lìburu “Arrègulas po ortografia, fonètica, morfologia e fueddàriu de sa Norma Campidanesa de sa Lìngua Sarda” chi eus a presentai custu sàbudu.
Is chi funt interessaus ndi-ddu podint scarrigai de su link in bàsciu.
Arrègulas
18/03/2013
Sàbudu 23 de martzu a is 17:30 anca s’Aposentu de su Consillu Comunali de Cabuderra s’at a fai sa presentada de sa faina discogràfica
“Dotrinas de Cabuderra – Raccolta di preghiere della tradizione capoterrese in lingua sarda”
Is DOTRINAS, che is àteras 6 fainas cun su siddu de s’Acadèmia, funt scritas ponendi in fatu a is “Arrègulas po ortografia, fonètica, morfologia e fueddàriu de sa Norma Campidanesa de sa Lìngua Sarda”, achìpia de sa Provìntzia de Casteddu tres annus a oi, su 17 de martzu de su 2010.
Ant a chistionai:
Francesco Dessì (Sìndigu de Cabuderra), Salvatore Lai (Assessori a sa Lìngua Sarda de su Comunu de Cabuderra), Francesco Siciliano (Assessori a is siendas culturalis de sa Provìntzia de Casteddu), Claudio Uccheddu (Presidenti de sa Comissioni Cultura de sa Provìntzia de Casteddu), Leonardo Sarigu (Dirigidori de sa Scola Tzìvica de Mùsica de Cabuderra), Oreste Pili (Presidenti de s’Acadèmia de su Sardu Onlus) e Don Sadro Zucca (Crèsia de Sant’Efis in Cabuderra). Nci ant a essi puru Luigina Cappai, Ida Lai, Maria Rita Lai, Fortunata Putzu, Barbara Meloni e Giovanna Casu, chi ant nau is pregadorias.
Logu po ponni sa màchina e po intrai de bia Cimarosa.
DOTRINAS locA4_inkjet
03/09/2012
Comenti est scritu in sa nova de su Comunu:
“Po sa primu borta s’introdusidura est in duas lìnguas, in sardu e in italianu. Custu po amostai chi su sardu podit argumentai una matèria tènnica e spetziali puru che a su cumpudu”.
Innoi eis a agatai sa nova e su .PDF de su cumpudu, unu traballu scritu ponendi infatu a is “Arrègulas“.
07/05/2012
Posted by acadesusa under
Novas | Tags:
Boicu,
cabuderra,
Firei,
Lai,
lingua,
literàriu,
Pianu,
poesia,
prèmiu,
sarda,
Tziu |
Leave a Comment
Su Comunu de Cabuderra at stabilèssiu unu cuncursu literàriu in lìngua sarda intitulau a is poetas cabuderresus “Tziu Boicu Pianu e Tziu Firei Lai”.
Su concursu est apitzus de sa storiedda a sa manera de is contixeddus de Esopu, aundi is animalis bivint, fueddant e scramentant che a s’òmini. In sa storiedda s’agatat giai sèmpiri su scramentu postu po imparai.
Sa Provìncia de Casteddu at agiudau po su finantziamentu de su cuncursu.
Is fainas ant a depi essi intregadas intra de is 13:00 de su 4 de su mesi de Làmpadas (deliberatzioni de sa Giunta Comunali de su 27/04/2012).
Bandu in campidanesu
Bandu in cadelanu
Bandu in logudoresu
Bandu in tataresu
Bandu in tabarchinu
Bandu in gadduresu
Arrègulas po ortografia, fonètica, morfologia e fueddàriu de sa norma campidanesa de sa Lìngua Sarda