Artìculu de s’Unioni Sarda de su 31/01/14 – Is ses pregontas a is candidaus a Presidenti de sa Regioni Sarda

Teneus praxeri de ponni in su giassu e in sa pàgini facebook de s’Acadèmia s’artìculu bessiu in s’Unioni Sarda de oi 31/01/14 apitzus de sa lìtera chi s’Acadèmia at intregau a is candidaus a presidenti de sa Regioni.

S’Acadèmia, in custa manera, sighit a batallai sena de pàsiu po chi su sardu siat de totus e no sceti de unus cantu chi dd’ant apariciau in laboratòriu, simbillanti a sa fueddada insoru.

S’Acadèmia est de su parrimentu ca su sardu s’at a salvai si intrat in sa scola e si in sa scola is pipius e is piciocus ant a agatai a una mama chi ddus stimat e no a una bìrdia chi ddus straullat.

Innoi s’artìculu.

 

Lìtera a sos candidados a Presidente de sa Regione Sarda – Lìtera a is candidaus a Presidenti de sa Regioni Sarda

S’Acadèmia de su Sardu onlus at pensau de scriri una lìtera  a is candidaus a presidenti de sa Regioni sarda. In custa lìtera s’Acadèmia pregontat a is candidaus  ita ndi pensant de sa polìtica linguìstica adelantada finas a oi de sa Regioni e cali iat a essi sa polìtica benidora insoru  lompendi a sa Regioni.

Lìtera a sos candidados/Lìtera a is candidaus

 

Arresùmini de s’atòbiu cun sa Comissioni Cultura de sa Regioni

Su 27 de su mesi de donniassanti de su 2013 s’Acadèmia de su Sardu onlus s’est atobiada cun sa de 8 Comissionis Consiliaris de sa Regioni Sarda, sa Comissioni Cultura.

Publicaus agoa:

• s’arresùmini de s’atòbiu;
• sa lìtera chi s’Acadèmia iat intregau a sa Comissioni Cultura.

 

Lìtera a sa Regioni po su Sardu a duas normas

In bàsciu sa lìtera chi s’Acadèmia de su Sardu onlus at intregau su 18 de su mesi de ladàmini 2013 a totu is Consilleris regionalis, a su Presidenti de sa Regioni Ugo Cappellacci, a sa Presidenti de su Consillu regionali Claudia Lombardo, a s’Assessori a sa Cultura Sergio Milia e a sa de otu Commissionis (a sa Cultura).

A is Consilleris regionalis s’Acadèmia at pediu de si donai incuru coidadosu po chi sa Regioni lompat luegus atotu  a is cambiamentas pedias in sa lìtera: Sardu a duas normas – Campidanesu e Logudoresu – Sardu amarolla in dònnia scola.

A su Presidenti de sa Regioni Ugo Cappellacci, a sa Presidenti de su Consillu regionali Claudia Lombardo, a s’Assessori a sa Cultura Sergio Milia e a sa de otu Commissionis (a sa Cultura) s’Acadèmia at pediu un’atòbiu po arraxonai apitzus de sa polìtica linguìstica adelantada finas a imoi de sa Regioni.

In is diis afatantis s’Acadèmia  at a cuncordai una conferenza stampa po spricai mellus cali est su tretu – a parrimentu de s’Acadèmia  – chi sa Regioni iat a depi fai po no lassai sperdi sa lìngua nosta.

Lìtera a sa Regioni po su Sardu a duas normas