Dii Internatzionali de sa lìngua de lati

 

Artìculu de s’Unioni Sarda apitzus de s’atòbiu de su 18 de abrili

Alloddu su chi at scritu s’Unioni Sarda apitzus de s’atòbiu de eriseru 18 de abrili asuba de sa lìngua sarda:

 

 

Atòbiu de is operadoris de sa Provìntzia de Casteddu

Sa Provìntzia de Casteddu at apariciau un’atòbiu de totu is operadoris de sa lìngua sarda de sa Provìntzia etotu, giòbia chi benit in sa sala de su parcu de Monti Craru a is 4 de a merii. Ddoi at a essi Gratzianu Milia su presidenti de sa Provìntzia, Oresti Pili su cordinadori de su portalitu de sa lìngua sarda, Francu Piras s’operadori de su portalitu e Marinella Lörinczi sa linguista de s’Universidadi de Casteddu. Custu atòbiu at a serbiri po chi is professionalidadis chi funt traballendi, ant traballau o iant a bolli traballai cun su sardu si connòsciant apari e intrint in d-un’arretza de cuntatus po si podi cordinai in totu is fainas de mandai ainnantis.

Atòbiu Provìntzia

 

Su Vangelu de Giuanni in sardu

Sàbudu su 24 de abrili in su Palàtziu de s’Urrei in Casteddu, a is 10 de a mangianu, ant a presentai su Vangelu de Giuanni, tradùsiu de Pedru Cruccas. Ant a fueddai: Gratzianu Milia, Sarbadori Loi, Oresti Pili e Cristina Arcidiacono.

Etori Sanna, M. Bonària Lai e Giusepi Dori ant a ligi su contu de sa Samaritana.

Custu traballu est bessendi gràtzias a s’agiudu de sa Provìntzia de Casteddu, de is editzionis “Liberamènti” e  de s’Acadèmia de su sardu onlus.

Vangelu