Acadèmia de su Sardu

Is Arrègulas in Berlinu

acadesusa — Fri, 04 Nov 2011 09:23:20 +0000

Su 10 de custu mesi in su cìrculu sardu de Berlinu ant a fai una presentada de Arrègulas.

S’arrelata dda at a sterri Ivo Murgia, coautori de su traballu e cumponenti de su diretivu de s’Acadèmia de su Sardu onlus.

Sa presentada dda ant a fai in su “Caffè degli Artisti” in Berlinu etotu e at a essi totu in sardu cun sa tradusidura in italianu e tedescu.

S’Acadèmia si-ndi prexat de custu acontèssiu e pigat parti a sa faina comenti a “sponsor” de sa cosa.

Su lìburu de Stèvini Cherchi in Cuartu

acadesusa — Wed, 12 Oct 2011 09:16:03 +0000

Custu sàbudu in Cuartu, a is 10 e mesu in sa scola “Porcu-Satta” de Bia Turati, ant a presentai su lìburu de Stèvini Cherchi “Is primus milli fueddus/sas primas milli allegas in sardu”, de sa Alfa Editrice.

Nci at a essi s’autori, s’editori, aministradoris, professoris, scientis e studiosus.

Cuartu

Is primus milli fueddus in sardu

acadesusa — Tue, 28 Jun 2011 13:06:10 +0000

Saludi a totus. Tengu meda praxeri de bosi cumbidai a sa presentada de su lìburu chi apu imprentau cun Alfa Editrice

Salve a tutti. Ho il piacere di invitarvi alla presentazione del libro che ho pubblicato con Alfa Editrice

Is primus milli fueddus / Sas primas 1000 allegas in sardu
Impara cun Annica Margiani e Marinu Boe

Pinturas de Titziana Melis

Cenàbura su 1.u de mesi-de-argiolas 2011, a is 5 e mesu de a merii
in sa Sala de su Consillu de sa Provìntzia de Casteddu – Palàtziu de s’Urrei
Pratza Palàtziu 1 in Casteddu

Venerdì 1° luglio 2011, alle 17.30
nella Sala Consiliare della Provincia di Cagliari – Palazzo Regio
Piazza Palazzo 1, Cagliari

In s’acàpiu agatais su manifestu

In allegato trovate il manifesto

Bos’abetu - Vi aspetto

Stèvini Cherchi - Stefano Cherchi

Casteddu

Cumentus in “Sardegna Democratica”

acadesusa — Mon, 27 Jun 2011 12:54:21 +0000

In custu “post” podeis agatai totu is cumentus chi s’Acadèmia at lassau in su giassu de “Sardegna Democratica” e is arrespustas chi ndi at tentu de su giassu etotu e de Elsa Giacobbe. No boleus aciungi àtera cosa a su chi eus giai nau, donniunu giudichit cunforma a is ideas suas.
Su post insoru est custu.

Acadèmia de su Sardu onluns
23/06/2011 17:22
Forsis s’interessat unu parri diversu de custu, bessiu unas cantus diis a oi, mandau a s’assessori Milia e a situs e giornalis etc. (finsas a Sardegna Democratica): http://academiadesusardu.files.wordpress.com/2011/06/comunicau-piano-triennale.pdf
Gràtzias. A si biri

Elsa Giacobbe
23/06/2011 22:46
In quanto a voi, cari Oreste, Ivo e Perdu, dell’Academia onlus, mi fate pena. Non vi rendete conto che vi stanno usando per fermare tutto il processo di valorizzazione della lingua? Lo fanno da anni e vi lasciano le briciole. come a dei bravi canes de isterzu. Fate solo la figura delle guide cheyennes che guidano le giacche azzurre nei territori dakota. Quando Milia, Lorinczi e Maninchedda avranno finito con quelli della lingua, non vi saluteranno neppure più. Sarete degli appestati per gli uni e per gli altri. Dei traditori, insomma. E di fatto lo siete, per poco prezzo. Siete veramente disposti a far crollare tutto, anche sulla vostra testa, pur di vedere i dakota (gli unici in grado di fare una politica seria contro le giacche azzurre) morti? Maninchedda vi ha dato spazio perchè i suoi compari sassaresi non vogliono usare il sardo e gli uffici regionali gli hanno detto no esponendosi a qualsiasi ritorsione. Compresa la pubblicazione delle vostre bugie. Non vi vergognate neppure un po’ quando state per prender sonno la sera?

Acadèmia de su Sardu onlus
25/06/2011 16:26
S’Acadèmia de su sardu onlus pensat de ai arriciu ofesa manna de is fueddus de Elsa Giacobbe, o de chini ddoi siat cuau apalas de custu nomìngiu, e duncas est abetendi is scusas de issa po custa farta chi noxit a sa màgini nosta e de is assotziaus nostus chi issa at circau in su cumentu suu (23/06/2011 22:46).
Si-ndi parit finsas spantu chi unu situ chi si narat “Sardegna Democratica” potzat permiti ofesas diaici a assòtzius de òminis lìberus chi no ant circau ni ofèndiu a nemus e prus pagu puru a Elsa Giacobbe.
Chi no eus a arriciri is scusas de Elsa Giacobbe e de su situ, seus averiguendi chi ddoi apant is conditzionis po un’atzioni de lei po defensai s’onorabilidadi nosta innoi e aundi totu si potzat presentai custu abisòngiu.

Redazione
25/06/2011 17:40
@ Academia de su Sardu Sardegna Democratica non censura i post che arrivano al sito. La pubblicazione dei post e degli interventi a proposito della lingua sarda e non solo è la prova che questo sito è plurale e democratico nella sostanza e non a parole. Agli amici dell’Academia tutto lo spazio per argomentare. Cordialità, Redazione

Acadèmia de su sardu onlus
26/06/2011 14:42
Su cuntzetu nostu de democràtzia est diversu meda de su de bosàterus. Po nosu is ofesas nci intrant pagu cun sa libertadi e sa democratzia. Ita iat a nai “Sardegna Democratica” chi in d-unu logu pùbricu calincunu s’iat a atriviri a nai ca faint pena, ca funt canis de strexu, faulàncius e traitoris? ca andat totu beni ca cussa est sa democratzia?
Unu contu funt is argumentus e unu contu funt is ofesas. Is argumentus nostus funt in su comunicau chi eus pubricau in su blog nostu e postu innoi puru, anca no eus ofèndiu a nemus ma postu chistionis. Àteru contu est su cumentu de Elsa Giacobbe chi no argumentat nudda ma ofendit sceti.
Chi custu est su parri de bosàterus, bosi lassaus a sa democratzia de bosàterus e de is cumpàngius chi si seis sceberaus, e custa e àteras arrexonadas de imoi ainnantis ddas eus a fai in àteru logu cun àtera genti.

Presentada de su DFC (Dizionario Fondamentale del Campidanese) e fueddàriu Cabuderresu

acadesusa — Tue, 21 Jun 2011 13:02:00 +0000

Cenàbara su 24 de su mesi de làmpadas 2011, a is 5 de a merii in sa Domu Comunali de Cabuderra, nci at a essi sa presentada de su

DFC (Dizionario Fondamentale del Campidanese) e fueddàriu Cabuderresu

Saludus:
Francesco Dessì, Sìndigu de Cabuderra

Oresti Pili, Assessori a sa Lìngua sarda

Ant a arrelatai:
Prof. Eduardo Blasco Ferrer

Prof. Stefano Cherchi

Prof. Giuseppe Pili

Prof. Amos Cardia

Anselmo Desogus

At a benni:
Graziano Milia, Presidenti de sa Provìntzia de Casteddu

Cuncordat su traballu:
Prof. Emanuele Atzori

Benei ca faeus tretu bonu!

Cumbidu DFC

Comunicau “Piano Triennale”

acadesusa — Thu, 16 Jun 2011 14:07:20 +0000

S’Acadèmia at aprontau unu comunicau po su “Piano triennale” de sa lìngua sarda chi podeis agatai in su pdf in bàsciu.

Comunicau

Atòbiu de is operadoris de sa Provìntzia de Casteddu

acadesusa — Fri, 21 Jan 2011 21:52:31 +0000

Sa Provìntzia de Casteddu at apariciau un’atòbiu de totu is operadoris de sa lìngua sarda de sa Provìntzia etotu, giòbia chi benit in sa sala de su parcu de Monti Craru a is 4 de a merii. Ddoi at a essi Gratzianu Milia su presidenti de sa Provìntzia, Oresti Pili su cordinadori de su portalitu de sa lìngua sarda, Francu Piras s’operadori de su portalitu e Marinella Lörinczi sa linguista de s’Universidadi de Casteddu. Custu atòbiu at a serbiri po chi is professionalidadis chi funt traballendi, ant traballau o iant a bolli traballai cun su sardu si connòsciant apari e intrint in d-un’arretza de cuntatus po si podi cordinai in totu is fainas de mandai ainnantis.

Atòbiu Provìntzia

Su Paleo-sardu in Loceri

acadesusa — Thu, 16 Dec 2010 08:14:36 +0000

In Loceri (Ollasta) duas diis po chistionai de Paleo-sardu e Paleo-bascu impari a Blasco Ferrer e Michel Morvan. Cun s’ocasioni ant a presentai s’ùrtimu lìburu de Blasco Ferrer pròpiu po su paleo-sardu e ant a fai una passillada in su sartu de sa bidda po fueddai de is topònimus de su logu.

Inghitzant sàbudu a mangianu e sighint finsas a domìnigu. Su nòmini de s’atòbiu est Gorosti e est faina de sa provìntzia de s’Ollasta paris cun s’Unioni de is Comunus de s’Ollasta etotu.

Locandina

Atòbiu po su bilinguismu in Sìnnia

acadesusa — Thu, 16 Dec 2010 08:00:46 +0000

S’Acadèmia de su sardu onlus at a pigai parti a custu atòbiu mannu po su bilinguismu chi ant a fai sàbudu e domìnigu in Sìnnia. Ddoi at a essi Oresti Pili, su presidenti, e àterus cumponentis comenti a Amos Cardia, Pedru Perra, Ivo Murgia, Franciscu Maxia, Franca Marcialis, Pàulu Zedda e Nicolau Dessì, chi ant a presentai arrelatas de importu po su bilinguismu in Sardìnnia.

S’atòbiu ddu ant aprontau is Rossomori de Sìnnia etotu.

Programa

Locandina

Tesseramentu 2011

acadesusa — Thu, 25 Nov 2010 07:41:57 +0000

S’Acadèmia de su Sardu onlus aberit is assentaduras po s’annu 2011. Is chi intrant in s’assòtziu funt de acòrdiu cun sa polìtica linguìstica nosta de unu standard a duas normas po su sardu, campidanesu e logudoresu impari, una polìtica moderna e democràtica chi arrespetat su connotu literàriu e chi ant bòfiu is Sardus etotu.
Linguìstas famaus che a E. Blasco Ferrer, Universidadi de Casteddu, e Màssimu Pittau, Universidadi de Tàtari, cuncordant cun custa polìtica comenti ant scritu e nau bortas meda, in Sardìnnia e aforas puru.
Po fai parti a s’assòtziu tocat a si pigai sa tèssera de s’Acadèmia chi costat 10 francus nous (èurus).
Candu s’òmini s’est assotziau a s’Acadèmia podit pigai parti a totu is fainas de issa e finas imbucai a calincuna càrriga de su diretivu o de su boddeu scientìficu.
A chini est interessau podit scriri po dònnia cosa a: acadesusa@gmail.com.